Zothlifim Logo
Loading ...

Nimin khan member of National Commission for Women, Northeast Region in-charge Soso Shaiza hovin Mamit district chhunga hmeichhiate dinhmun chawikanna tur Scheme hrang hrang kalpui anih dan thlirin Mamit DC conference hall-ah ṭhutkhawm a ni.

Meeting-ah hian Soso Shaiza chuan NITI AAYOG in hmeichhiate dinhmun chawi-kanna Scheme a thlurbing bikte chu sawiho tur leh heng Schemes te hi Mamit District-ah anihna ang takin kalpui anih leh nih loh endik tura NITI AAYOG rawn tirh a nih thu a sawi a. India ram hmarchhak State-ah hmeichhiate chunga hleilenna Case tlem viau anga a lanna chhan chu hmeichhe har-satna tawk an awm loh vang ni lovin mahni dikna chanvo an hriat loh vang leh thuneitute hnena thlen nachang an hriat loh vang a nih thu a sawi a.

Mamit District chu Aspi-rational District 117 zinga thlan a nih avangin hmeichhiate chawikanna tur ruahmanna emaw District chawikanna hrim hrim ruahmanna an dil phawt chuan Central Govt. leh Company te’n an CSR hmangin puih an chak reng thu a sawi a, chuvang chuan a tam thei ang ber dil turin kalkhawmte a chah a ni.

Meeting-a hmeichhe din-hmun chawikanna tur Scheme an tarlan te chu Hmeichhe hnathawkte awmna tur Hostel siam te, Ujjawala Scheme a taka kalpui te, Women Helpline a taka kalpui te, District-a hmei-chhe Police tihpun te, Self Help Group (SHG) te hnena an mamawh ang Loan pek te, Vocational Training Centre hawn te, Govt. Mamit College Women Hostel-a khum 10 chauh awm chu tipun te leh Hmeichhiate chu chhungkuaah eirawng-bawltu a nih avangin tui an mamawhte awlsam tak a an neih theih nan tuizem leh tui connec-tion lak sakah te tan la a, ruahman-na ṭha zawk a siam te a tel a ni.