Bialtu MLA hovin PMAY-HFA District Screening Committee thukhawm

UD&PA Department, Serchhip District hnuaia Pradhan Mantri Awas Yojana – Housing For All (PMAY-HFA) District Screening Committee chu an chairman District Bawrhsap, Sangchhin Chinzah kaihhruaina-in nimin khan DC Meeting Hall-ah an ṭhukhawm a, he meeting hi Bialtu MLA Lalduhoma’n a telpui a ni.

Meeting-ah hian Serchhip District huam chhunga Town 3 – Serchhip, Thenzawl leh N.Vanlaiphaia PMAY -HFA Scheme hnuaia hmalak tawh dan leh hmalak zel dan tur sawiho niin Serchhip District-ah Serchhip tan DPR pahnih, North Vanlaiphai leh Thenzawl tan DPR pakhat siam tawh nimahse Central sawrkar aṭanga insak ṭanpuina chu dil thartu an awm belh nual avangin DPR pakhat ṭheuh siam leh tur a ruahmanna siam mek niin, PMAY -HFA diltute chu an endik nghal bawk a ni.

Serchhip Town-ah hian chhungkaw 404 ten insak ṭanpuina pawisa dawng tawhin hma an la mek a, North Vanlaiphai-ah chhungkaw 137 chu Insak ṭanpuina hi pek an lo ni tawh bawk a ni.

PMAY-HFA hi Prime Minister-in kum 2020 India ram zalenna champha vawi 75-na puala India ram a chenna tur in neilo ten an lo neih vekna tura ruahmanna a siam niin Serchhip khawpuia 1st DPR aṭang a he In sak ṭanpuina dawngtu Beneficiaries 404-te chuan tunlai hian Serchhip Veng hrang hrang ah In sak hna an thawk mek a, Beneficiaries 249 te chuan Intanpuina sum 2nd Installment la tawhin, Beneficiaries 59 te chuan ṭan-puina sum hnuhnung ber ( 3rd instalment) an la fel tawh a ni.

Hetihlai hian UD&PA Serchhip a thawktute chuan 1st DPR leh 2nd DPR a tello, mi tamtak, 3rd DPR a siam leh mek a ni

He Scheme-ah hian insak ṭanpuina sum hi Beneficiaries Led construction(BLC) hnuai-ah Rs.1,50,000/- niin, Beneficiaries te hian ṭum thum dawnah an hmang a, bul ṭan ni aṭanga ni 100 chhungin In hi sak zawh tur a ni a, in sak lai thlalak hi Satellite Geo Tagging Software Application hmanga sawrkar laipuiah thawn thlak ṭhin a ni bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram