Cabinet-in Tuikuk lâkir tura ruahmanna Nov. 30 hnu-ah tihtawp turin rel

Nimina Chief Minister Zoramthanga hova Council of Ministers ṭhukhawm chuan Tripura Relief Camp aṭanga Mizorama Bru lâkletna tura sawrkarin ruahmanna a siamte chu November ni 30 hnu lamah chuan tihtawp vek tawh turin an rel.

Nimina Cabinet Meeting thurel tura chhawp chhuah engemawzat aṭangin Administration Reform Committee-in report leh recommendation an siam chu an pawm a, The Mizo-ram Municipalities (Amendment) Bill, 2019 leh Draft Mizoram Sports Policy 2019-te an pawm a, Mizoram sawrkar hnuaia e-Procurement hmanlai mek siamṭhat rawtnaah cheng nuai 20 chin ngaihthiam nise an ti a, The Chite Lui (Prevention and Control of Water Pollution) Rules, 2019 leh The Government of Mizoram Vehicle Outsour-cing Policy, 2019 an pawm bawk.

Hei bakah hian GAD aṭanga thulut SEDP board hrang hrangte term of reference an pawm a, dan lova inbenbelna hmuna hmasawnna hnathawh khapna pawm a ni a, tuna 2 years certificate course in Basic Agriculture Training zirna, Integrated Training Centre, Hnahthial chu 2 years Diploma Course in Agricultural Sciences zirna ni tura School of Agricultural Science-a hlankai tura rawtna an pawm a, Rule 9(3) of the Mizoram Registration of Births & Deaths (Amendment) Rules 2015 siamṭhat rawtna leh The Mizoram Land Revenue (Second Amendment) Rules, 2019 te an pawm bawk.

RELATED ARTICLES
November 11, 2019
November 8, 2019
November 8, 2019
November 6, 2019
November 6, 2019

Leave a Reply

This site uses Akismet to reduce spam. Learn how your comment data is processed.