Excise Minister-in dân phal loha zu siamna hmun a tlawh

Nimin khan Excise & Narcotics Minister Dr. K. Beichhua chuan Aizawl daia phalna nei lova zu siamna a hmunah a tlawh.

Dr. K. Beichhua chuan Rangvamuala Excise & Narcotics Outpost a tlawh bawk a, hnathawktute kawmin Zu leh ruihhlo dona kawnga rilru leh theihna zawng zawnga thawk zel turin a fuih a, Minister hian Operation Kingdom Ministry (OKM) Home, Phunchawng-a awmte tlawhin taksa leh thlarauvah chak taka awm a, sawrkar leh Pathian ram zauna atan intichak turin fuihna thu a sawi a, an mamawh angte a theih anga ṭanpui a tiam a ni.

Nimin khan Excise & Narcotics Deptt. chuan Phung-chawng leh a velah rakzu 540 litres leh zu bilh lai ṭin 2284 leh a siamna bungbel engemaw zat an man a, Zu siamna factory 40 vel tihchhiat a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram