Football thuthang

@ Wolves manager Nuno Espirito Santo chu Arsenal manager Unai Emery thlaktu tura sawirik zinga a rinkai ber a ni. (Mail)

@ Arsenal staff-te chuan an manager Emery hi an bân ngei dawn niin an ring a, mahse zanina Europa League match-a Eintracht Frankfurt an hmachhawn hunah erawh Arsenal a la enkawl an ring. (Goal)

@ Frankfurt leh Pathianni-a Norwich City an hneh zawh loh chuan Emery hian a hna a châng ngei rin a ni. (Express)

@ Barcelona leh Real Madrid chu Arsenal’s Gabon striker kum 30 mi, Pierre-Emerick Aubameyang lakluh tuma hma la turin an inpeih tawh. (Mirror)

@ Aubameyang lakluh tum zingah Spanish champions Barcelona chu hmahruaitu an ni. (Star)

@ Everton chuan an manager Marco Silva thlaktu atan Flamengo boss Jorge Jesus an melh a, Jesus hian Flamengo hi Copa Libertadores-ah a champion-pui a ni. (Telegraph)

@ Everton hian an manager thar atana David Moyes la turin West Ham chu an elpui a ngai dawn a ni. (Mirror)

@ Manchester United chuan nakuma Borussia Dortmund’s English forward kum 19 mi, Jadon Sancho lakluh tum zingah hma an la hruai zel niin an inhria. (Telegraph)

@ England forward kum 24 mi, Raheem Sterling-a’n Manchester City-ah contract thar a ziak a nih chuan City player hlawh tam ber, Kevin de Bruyne-a’n chawlhkar khata £350,000 a hlawh aiin a tam zawk dawn a ni. (Sky Sports)

@ Manchester City’s German winger Leroy Sane chuan agent chuan Bayern Munich aiawhte a hmu a, mahse Bundesliga champions hian kum 23 mi lalut tur hian nakum nipui thleng an nghak dawn a ni. (Goal)

@ Real Madrid president, Florentino Perez-a’n Manchester United’s France midfielder Paul Pogba, 26, aia Tottenham’s Danish midfielder Christian Eriksen, 27, emaw Napoli’s Spaniard Fabian Ruiz, 23, emaw lakluh a duh zawk chungin Real manager Zinedine Zidane chuan Pogba hi lakluh a la tum zel. (Mirror)

Leave a Reply

This site uses Akismet to reduce spam. Learn how your comment data is processed.