Keitum – Chekawn kawng khâr hun siam

Karleh Thawhṭanni, November ni 18 aṭang hian Keiṭum – Chekawn kawngpui chu PWD-in siamṭhat hna (black topping/re-surfacing) an thawh dawn avangin chak zawk leh ṭha zawka an thawh theih nan Serchhip SP R.Sathiyasundaram, IPS chuan a thuneihna hmangin helai kawng khâr hun leh hawn hun a siam.

Ni 18.11.2019 aṭanga thuleh awm hma chuan zing dar 8 aṭanga chhun dar 12 thleng leh, chawhnu dar 1:30 aṭanga tlai dar 4 thleng helai kawng hi khâr ani ang a, zing dar 5–8 inkar leh chhun dar 12–1:30pm inkar hawn a ni dawn tih a tarlang a, he thupek hian law & order duty leh chhiatna thleng vanga emergency duty te erawh a huam loh tur thu a tarlang a. He thupek chungchanga harsatna tawk emaw report duh nei chuan Serchhip Police Station (03838-222528), ASI Jessie Zaithanmawia i/c Traffic (Ph. 9862032362), ASI Malsawmtluanga, 2nd OC N.Vanlaiphai PS (Ph. 9383176837) leh N.Vanlaiphai Police Station (Ph. 6909890554)-ah te biak pawh theih a nih thu a tarlang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram