Skip to content
Home » Chanchinthar » KTP General Conference neihna tur pandal structure lo thleng

KTP General Conference neihna tur pandal structure lo thleng

Nakuma Serchhipa KTP General Conference neihna tur pandal sakna tur ruhrel (structure) chuan Serchhip a rawn thleng ta.

Nakum February thlaa KTP General Conference neihna tur pandal sakna atan hian Synod Pandal Structure thar chu hman a ni dawn a, he pandal structure hi truck 5 hmangin phurh a ni a, nimin zing khan truck 4 hi lo thlengin, KTP General Conference nghahna tur Leisekawt Field-ah Serchhip-a pastor bial 3 – Serchhip Pastor Bial, New Serchhip Pastor Bial leh Serchhip Vengchung Pastor Bial-a KTP member-ten hnatlangin an hlang thla a, nizan khan truck pakhat hian Serchhip a lo thleng leh a ni.

Synod Pandal Structure siam hmasak chu a ṭhat tawkloh avangin Synod pandal structure thar siam turin a ruahman a, he pandal structure siam tur hian KL Fabrication, Mission Veng te chu thlan an niin anni hian he pandal structure thar hi thla 5 chhungin an siamzo a ni.

He pandal stucture thar hi a dung ft 165 leh a vang ft 252.7 a lian a ni a, lamtual 108x30ft ruahman a ni a, stage 72x30ft leh Green Room 72x15ft ruahman a ni bawk. He pandal stucture tharah hian mi 10000 vel leng tura ngaih a ni. He pandal structure thar hi siam zawh hlim a ni a, Serchhip a KTP General conference a hman hi a hman hmasakna ber tur a ni.

Leave a Reply

This site uses Akismet to reduce spam. Learn how your comment data is processed.