Lalrinsanga Ralte-in IAS nih tum zirna atana a sponsor-na a hlân

Serlui bialtu MLA Lalrinsanga Ralte, Rubber & Allied Crops Board Vice Chairman ni bawk chuan nimin chawhnu dar khat khan a Office, Secretariat Annex Building-ah a bial, Buhchangphai khaw mi, Lalduhawma, IAS nih tum chu a zirna atana sponsor-na cheque a hlân.

He spnsor-na cheque hlanna inkhawm tawite buat-saihah hian Lalrinsanga Ralte chuan thusawiin, Mizoramin All India Service-a Mizoram-in cadre hran a neih theihna atan Chief Minister Zoramthanga’n hmalakna a nei mek chu lawm-awm a tih thu a sawi a, Chief Minister kan neih tawhah ani chiah hi hetiang hmalakna nei awm chhun a ni, a ti a, Kan ram leh hnam hmakhua ngaia All India Service-a Mizo a tam thei ang ber an luh theihna tura Chief Minister-in hma a la chu ropui a tih thu a sawi.

Lalrinsanga Ralte chuan a Board enkawl Rubber & Allied Crops hmalakna sawiin, tunah hian rubber kung nuai chuang hnai theiha peih ni tawh tih sawiin, a hnaina tur hmanrua hi pek chhuah turin sawrkarin a buaipui mek tih a sawi a, tender pawh tihchhuah a ni tawh tih a sawi. Hei bakah hian Kuhva, Hmunphiah leh Coffee-ah te nasa taka hmalakna kalpui mek a ni tih a sawi a, SEDP-ah leh central sawrkarah project engemawzat siam tawh niin, a hlawhtlinna hmuh thuai an beisei thu a sawi bawk.

Lalduhawma hi kumin 2019 HSSLC result tihchhuah hnuhnung berah khan Science stream-ah Mizoram pum pahnihna a ni a, lehkha thiam thei bik leh tumruh tak niin, IAS nih tum ngar ngar a ni a. Hei hi hriain bialtu MLA Lalrinsanga Ralte chuan IAS ni tura a inzirna atan kum tin cheng nuai 1-in a sponsor dawn a, IAS Coaching a kal hunah a ṭul anga tih belh zel a la tum bawk a ni.

RELATED ARTICLES
November 11, 2019
November 8, 2019
November 8, 2019
November 6, 2019
November 6, 2019

Leave a Reply

This site uses Akismet to reduce spam. Learn how your comment data is processed.