Tripura atangin Bru chhungkaw 218 hruaikir tawh

Tripura Bru Relief camp-a Mizoram khua leh tui awmte Mizorama hruaikir thawh 9-na kal mekah nimin thleng khan chhungkaw 218 Mizoramah hruaikir an ni tawh.

Bru lakkir thawh 9-na hi thla hmasa October ni 3 aṭang khan ṭan a ni a, nimin thleng khan chhungkaw 218-a mi 881 hruaikir an ni tawh a, heng hruaikirte hi Mamit district mi chhungkaw 133-a mi 551, Kola-sib district mi chhungkaw 16-a mi 68 leh Lunglei district mi chhungkaw 69-a mi 262 te an ni.

Sawrkar thuneitute sawi dan chuan sawrkar laipuiin Tripura Bru camp-a chhawm-dawlna, a thlawna buhfai an dawn ṭhin a tihtawp chu pe chhun-zawm leh tura sawrkar nawr nan October ni 31 aṭang khan Bru NGO ten kawngpui an danpin avangin Sawrkar official-te chu Bru camp 3 – Asapara, Naising-para leh Hazacherra camp-ah te an kal thei tawh lova, hemi avang hian hruai kir hna thawh pawh a muan phah hle. Heng camp 3 aṭanga Mizorama hruaikir tawh zinga a tam zawk te pawh hi relief camp aṭanga hruaichhuah ni lovin anmah-niin Kanhmun khua Facilitation Centre-a Liaison Officer (LO) hnenah an in-report a, hemi hmun atang hian an awmna tur khuaah hruai thin an ni.

Ruahman lawk dan chuan Bru hruaikir thawh 9-na hi tun thla ni 30 thleng neih tur a ni a, hemi chhung hian Mamit district mi leh sa chhungkaw 3368 hruaikir tura ruahman a ni.

RELATED ARTICLES
November 11, 2019
November 8, 2019
November 8, 2019
November 6, 2019
November 6, 2019

Leave a Reply

This site uses Akismet to reduce spam. Learn how your comment data is processed.