MHIP Gen. Hqrs,.-in an thuchhuak ngaichang turin MHIP Branch tinte an ngên

MHIP Gen. Hqrs chuan anmahni aṭanga thuchhuakte lo ngaichang a, lo ngai pawimawh turin MHIP Branch tinte an ngen tih an sawi.

Nimina MHIP General Headquarters Office Bearer-te leh MHIP Sub-Headquarter-a Office Bearers Joint Meeting, MHIP Office, Aizawl-ah Lalthlamuani, President kaihhruaiin neih a ni a, he hunah hian MHIP Gen. Hqrs OB ni lai te chu Guawahati High Court-in inthlang tura a tih anga felfai taka inthlanna CYMA kaihhruaina hnuaiah neih a ni tih an sawi a, MHIP Gen. Hqrs. hruaitu tur atana member-ten duh taka an thlan an nih avangin chak takin hma la chhunzawm zel se, an ti a, an kaihhruaina hnuaia awm chu thlamuan thlak an tih thu leh MHIP Sub-Hqrs. hruaitute chuan theihtawp chhuaha an thlawp zel tur thu an rel a, hei bakah hian MHIP Gen. Hqrs. aṭanga lehkhathawn chhuah ni lo chu MHIP member-ten engahmah lo ngai lo turin an inhriattir tih sawiin, MHIP Gen. Hqrs. aṭanga thuchhuakte lo ngaichang a, lo ngai pawimawh turin an inngen nghal tih an sawi bawk.

MHIP Gen. Hqrs. chuan MHIP Gen. Hqrs. OB nilai te chu Guawahati High Court Order hmangin ni 28 August, 2019 ah CYMA kaihhruainain felfai taka inthlanna neih a ni tih sawiin, Ballot Box tihchingpen chung-changa inpuhmawhna awm pawh MHIP Gen. Hqrs. chuan Court-kutah a dah tih an sawi.

Hetihlai hian April thlaa MHIP General Hqrs. hruaitu thlanna neih tura nomination paper tihchingpen chung-changa FIR thehluh ah police chhuina aṭangin mi panga chargesheet an ni tawh niin thulakna chuan a tarlang a.

Kumin April thlaa MHIP General Hqrs. hruaitu thlanna neih dawn ṭuma nomination paper tihchingpen duhlotute Adhoc Body chu Dawrpui Mul-tipurpose committee roomah nimin khan ṭhukhawmin MHIP General Election-a Nomination Paper tichingpena puhte laka Chargesheet-te chu an thlirho a. He ṭhutkhawma tel te hian MHIP General Hqrs. hruaitu thlanna tur atan Nomination Ballot Paper hmanga siam chu April ni 8, 2019 khan khâr a ni tih an sawi a, amaherawh chu Ballot Paper-te hi April ni 13, 2019-ah chauh chhiar a ni tih sawiin, inthlanpui tura sawm, MSU hruaituten Ballot Box an hawn hian Ballot Paper pawh-bun tam tak hmuin, Form awm-saa fill-up chawp Ballot Paper rinhlelhawm an hmu ṭeuh bawk tih an sawi a. Heng te hi chhiar tel lovin, Hqrs. Nomination nen MSU hruaitute chuan Hqrs. aṭanga mi 10 leh Ballot Box aṭanga mi 10-te, Nomination-a tlingte chu a puang ta tih an sawi a. Amaherawh chu tling tura ngaih tling talote an awm avangin mi ṭhenkhatin MSU President hnenah Ballot Paper-te RTI Dan hmang an en an dil thu leh an en hnuah thil diklo tam tak an hmu nia sawiin, hei vang hian Rohming-liani hminga FIR thehluh a nih thu leh Police chhuina kal zel aṭangin mi 5 chu chargesheet an ni ta tih an sawi a ni.

RELATED ARTICLES
November 11, 2019
November 8, 2019
November 8, 2019
November 6, 2019
November 6, 2019

Leave a Reply

This site uses Akismet to reduce spam. Learn how your comment data is processed.