Categories
Chanchinthar Serchhip

Monthly Girl Child Day Celebration cum baby show competition buatsaih

Beti Bachao Beti Padhao (BBBP) hmalaknain E.Lungdar Block huamchhung khuate tan nimin chhun dar 11 khan BBBP E.Lungdar Block Task Force Comittee chuan Thangburha Hall E.Lungdar-ah Monthly Girl Child Day Celebration cum baby show competition a buatsaih.

He celebration cum competition-ah hian khaw hrang hrang aṭangin contestant 59 awmin tehna engemawzat aṭanga an teh hnua lawmman pakhatna chu Biakremsangi Ralte d/o Melody Vanlalpeki, E. Lungdar hnenah hlan a ni a, lawmman pahnihna chu Jeremia Lalrinhlua s/o Lallawm-zeli Sailulak-in dawngin lawm-man pathumna chu H.Zorin-tluanga S/o Lalrinhlui Mual-cheng leh Mariah Lalthla-muani d/o Vanlalduhawmi ten an dawng a ni.

Heng bakah hian Consolation prize mi 7-te hnenah hlan a ni a, lawmman hian Citation leh pawisa fai a keng tel a ni.

Contestant-te hi tehna hrang hrang a teh an nih mai bakah, Nu in nau a paiin Health Sub-centre-ah a in-report em? tihte, Vaccine a la ṭha em tihte, nautein vaccine a la ṭha em? tihte leh tehna dangte hmanga inelna hi endik a ni.

He show cum competition-ah hian PHC E.Lungdar chuan nausente tan free medical camp a buatsaih nghal a, E.Lungdar ICDS project chuan naupang rawn tel ei tur an buatsaih/semsak bawk a ni.

Chairman, Block Task Force Committee leh Block Development Officer E.Lung-dar ni bawk H.Lalhruaitluanga MCS chuan Department te thawhhonaah lawmthu a sawi a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram