Serchhip-III VC area tihtêt remti lo

Serchhip-III VC huamchin chu Serchhip-III VC leh an huam chhunga NGO leh Political party-te chuan tihtêt an remti lo.

Hemi chungchang hi nimin zing khan Lalpuithanga hall-ah joint meeting neiin an ngaihtuah a. Serchhip Kawnpui South NGO Coordination-in Serchhip-III area Bazar hnuaia In 33 te Serchhip-IV area-a dah lut tura hma an la mek chu ṭhalo an tih thu an sawi a, Serchhip-III aṭanga Serchhip-IV in dan tawh hnua VC-III area tizim tur zawnga hmalakna chu a tawp thlenga dodal nise, an tiin, an duhdan hi meeting tel pawl hrang hrang hruaituten an seal chhuthnanin DLAO, Serchhip hnenah hriattir nise an ti a ni.

Thudawn danin hemi hma lam pawh hian Serchhip-III VC sitting chuan an area tihzim hi an rem tih loh thu an lo pass tawh a, hetiang bawk hian Serchhip-V area huam chhunga awm, Ramthlun Veng Serchhip-IV area-a rin lût tura hmalakna chu Serchhip-V VC huamchhunga political party leh NGO aiawhte chuan remti lovin hma an la ve mek bawk nia thu dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram