Zothlifim Logo
Loading ...

Nimin tlai khan Sinlung Hills Council inthlanna neih zawh taka tlingte chu Aizawl DC Vanlalngaihsaka Pisa-ah rinawmna thutiam laktir an ni a, Protem Chairman atan HC Lalmalsawma ruat a ni a, Protem Chairman thar hian Elected General Council atana thlan thar te rinawmna thutiam tir a ni.

Sinlung Hills Council inthlanna Bial 12 a neih zawh takah khan MNF party chu bial 6 ah an tling a, HPC thlawp Independent 4 an tling a, ZPM leh Congress thlawpin 1 leh Independent in pakhat a tling a ni.

Sinlung Hills Council (SHC) inthlan hmasa ber, thawhlehni-a neiha vote tlate chu inthlan zawh veleh chhiar nghal a ni a; MNF leh Hmar Peoples’ Convention (HPC) tangkawpin bial 12 ah bial 10 lain, sorkarna an siam thei dawn a, thlenthar te erawh tun dinhmunah nihna an la in ruatfel lo a ni.

SHC inthlanah hian vote nei mi 20,914 zinga 15,108 (100- a 72.24)-in vote an thlak a ni. SHC-ah hian bial 12 atanga thlan tlin mi 12-te bakah, sawrkar aiawh member pahnih ruat leh tur a ni a, an vaiin member 14 an ni ang.