Zirlai nu leh pate pualin hun buatsaih

‘Childrens Week 2019’ lawmna kalpui chhunzawm zelah nimin khan District Child Protection Unit, Serchhip leh District Legal Services Authority te bultumin Serchhip Auditorium-ah Serchhipa Zirna In hrang hranga zirlai nu leh pa-te pualin “Kan fate kan hmakhua ( Our Children, our future)’ tih thupui hmangin hun hman a ni

Lalsiampuii, DCPO, Ser-chhip kaihhruai he hunah hian khuallian Vanlalchhana,SDEO, Serchhip chuan thusawiin, tunlai khawvelah nu leh pate leh zirtirtute chuan ṭangruala naupangte hmakhua an ngaih-tuahpui a ṭul tawh tih sawiin, school kaitir satliah ringawt lovin, zirna kawngah hma an sawn dan te lo vil zui a, an nung-chang leh khawsak danah thil ṭhalo leh nungchang ṭhalo a awm chuan siamṭhat thuai a nih theih nan nitina anmahni zirtirtute pawh hriattir a, anni nen ṭangruala an nungchang siamṭha tura hma la turin a chah a, nu leh pa leh zirtirtute chu naupangte hmakhua atan fuihtu leh chawikantu an nih zel a ngaih thu a sawi bawk.

He hunah hian Resource Person Dr Chawnglung-muana, CEO, Shalom chuan ‘Kan fate, kan hmakhua’ tih thupui hmangin zirtirna a pe a, naupangte rilru leh taksa hriselna ngaih pawimawh chungchangte, tunlai khawvel Information Technology lama changkannna nasa tawh tak laka fate enkawl dan turte, naupangte chu mahni into-delha mahni ke-a an din theih-na tur atana buatsaih a pawimawh thute leh Zirtirturte leh zirlai nu leh pa te mawh-phurhna pawimawh hrang hrangte zirho a ni.

He hunah hian Serchhipa zirna in hrang hranga zirtirtute leh zirlai nu leh pate enge-mawzat telin, Serchhip District Legal Services Authority Secretary, Ngursangzuali Sailo-in lawmthu sawina hun a hmang bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram