Nimin khan kum 2019 –2021 Mizo Zirlai Pawl (MZP) Gen. Hqrs. hruaitu tur thlan tharte Mawhphurhna hlanna hun MZP Conference Hall-ah hman a ni.
He hunah hian President kal chhuak ta L.Ramdinliana Renthlei leh President thar, B.Vanlaltana-ten thu an sawi a ni. B.Vanlal-ṭana MZP President tharin chuan MZP Assembly rorelna-in a lo pass tawh All India Service/Central Service hrang hrangah Mizo ṭhalai tam zawk an tlin theih nan a hmalakte, ILP system tun aia mumal zawka kalpui a nih theih nan chak zawka bawhzui a nih tur thu a sawi a, sawrkar lai mek chu ramri chungchangah chak lehzual a hma la turin a ngen a, Ram leh Hnam tana ṭha turah chuan tih hreh an nei dawn lo tih a sawi a, MZP Election -a Political Party inrawlh ṭhin chu ṭha an tih loh thu leh an term chhunga inrawlh tum an awm leh a nih chuan na takin an dodal dawn tih a sawi bawk.