R.Sathiyasundaram, IPS, Superintendent of Police, Serchhip chuan Serchhip khawpui chhunga kawngpui ṭhenkhat siam hna thawh mekte chak zawk leh ṭha zawka thawh a nih theih nan kawngpui khâr hun a siam.
Tunah hian PWD in Serchhip khaw chhunga kawngpui ṭhenkhat blacktopping hna an kalpui mek chu chak zawk leh tha zawka thawh a nih theih nana road block SP hnena an dil chu mipui tana hamṭhatna a nih avangin MV Act 1988 (act 59 of 1988) Section 115 na leh Govt. of Mizoram Notification No. B. 12021/10/04-TRP dt. 25.09.2007 in thuneihna a pek angin he hriattirna hi a chhuah tih a tarlang a.
Hriattirnaa a tarlan dan chuan, Tlangnuam peng to P&E Badminton Hall/Soil Peng kawng leh Chanmari to Bazar (One way)-te chu zing dar 6 aṭanga tlai dar 5 thleng khar a ni ang a, tlai dar 5 aṭanga zing dar 6 thleng hawn a ni dawn a, he hriattirna hi ni 20.1.2020 – 1.2.2020 chhung hman tur a nih thu leh kawng hmangtu mipuite zâwm theuh turin a hriattir tih a tarlang.
He thupek hian Law & Order duty leh chhiatna thleng avanga emergency duty te a huam loh tur thu leh thupek chungchanga harsatna tawk emaw report duh neite chuan Serchhip Police Station 03838-222528-ah biak pawh theih a ni.
Hetihlai hian Kolasib SP pawhin Sihphir to Kawnpui kawng chu siam a nih avangin kawng zing dar 10 aṭanga chhun dar 1:30 leh tlai dar 2:30 aṭanga tlai dar 5 thleng khâr tur a ni tih a tarlang a, hun ruat bik tihlohah chuan englai pawhin motor tlan phalsak an ni tih a tarlang bawk.