Zothlifim Logo
Loading ...

Nimin khan Republic Day DC’s Volleyball Running Trophy 2020 chu Vengchung Volleyball Court-ah T.Zading- liana, President, MNF Serchhip East Block chuan hawngin, Vengchung Volleyball Court-ah khelh ṭan a ni.

Hawnna inkhawma hian khuallian chuan thusawiin, tunah chuan infiamna hrang hrangte chu infiammite tan sum lakluhna a ni thei tawh tih a sawiin, infiammite chu tih takzeta hlawhtlin tuma infiamna lama kal turin a fuih a. Serchhip Darnam tlangah volleyball khelh theihna tur indoor stadium lian tak mai chu cheng vaibelchhe 3 sengin sak a ni dawn tih sawiin, hemi sak hna hi kar leh lamah thawh ṭan tum a nih thu a sawi a, hei lo pawh hi infiamna hmunhma dang ṭha tak tak Serchhipin a neih zel theihna turin hma lak chhunzawm zel a ni tih a sawi bawk a, khuallian hian tournament buatsaihtu Serchhip District Volleyball Association hruaitute hnenah Rs.5,000/- a hlân nghal bawk a ni.

Nimina match hmasa berah Chanmari Volleyball Club chuan 2-0 (25-20, 25-14)-in bt Vengchung Volleyball Club an hneh a. Inkhel dangah result-

  • Papuia MVC Bungtlang bt Dinthar VC 2-0 (25-19, 25-13)-
  • Chhim veng VC bt Hriangtlang VC 2-1(17-25, 25-17, 15-13)
  • Papuia MVC Bungtlang bt Chanmari VC 2-0 (25-18, 25-13)
  • Vengchung VC bt Dinthar VC 2-1 (25-11, 26-24, 15-10)
  • Hriangtlang VC bt Darnam VC 2-1 (25-17, 23-25, 15-6)