Categories
Chanchinthar Infiamna

Kum 3 hnu-ah Serena Williams-i’n title a la ve ta

Serena Williams chuan kum 3 chhunga a title hmasa ber leh fa a neih hnua a vawi khatna atan title a la ve ta a, Auckland Classic-ah Jessica Pegula hnehin title hi a la a ni.

Grand Slam singles title 23 zet la tawh, Williams hian a hnampui Pegula hi 6-3, 6-4-in a hneh a, he title hi kum 38 mi, Williams tan kum 2017-a Australian Open a lak hnua title a lak leh hmasak ber niin, a pumpui-ah WTA title 73 a lakna a ni bawk a, Williams hian tunah hian Tennis-a a kum 40 bi-na (4 decates) tura hmang chho mek tawh a ni.

Hnehna a chan hnu hian Serena William chuan he tournament-a prize money a dawn chu Australian ram kang ṭanpuina atan a pek thu a puang nghal a ni.

Hetihrual hian Brisbane-ah pawh Karolina Pliskova chuan American Madison Keys laka 6-4, 4-6, 7-5-a chakin a title kawllai a humhim ve bawk a.

Singles world number one Ashleigh Barty chuan doubles-a a ṭanpui Kiki Bertens nen final-ah Barbora Strycova leh Hsieh Su-Wei-te ṭangdun chu 3-6, 7-6(9-7), 10-8-in an hneh lova, Barty hian heta prize moneey a dawn zawng zawng chu Australia ramkang tan a hlân bawk a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram

Leave a Reply

This site uses Akismet to reduce spam. Learn how your comment data is processed.