Zuk leh hmuama fihlim pung zel

National Tobacco Control Programme hnuaiah Serchhip District a mipuite zuk leh hmuam lakah fihlim an pung chho zel.

Kum kal ta 2019 January aṭanga December chhung khan National Tobacco Control Programme hnuaiah Serchhip District Anti Tobacco Squad-te chuan Serchhip College leh Zirna In 81 ah Tobacco Control Awareness Programme hmangin Kohhran leh NGOs Porgramme hrang hrang 31 vaihlo leh a kaihnawih ṭhatlohzia inzirirna an nei a, Cigarettes and Others Tobbacco Product Act (COTPA) dan kengkawhin, Serchhip khawpui leh a chhehvel hmun hrang hrang, Sawrkar pisa, Bazar, Sumo, Auto, Taxi Stand leh puipunna hmun hrang hrangah ṭum 81 Anti Tobacco Squad ten Squad Drive neiin, dân phal lohna hmuna meizu 289 an man bawk.

National Tobacco Control Programme hnuaiah Serchhip District Hospital Trauma buildinga ‘Vaihhlo leh a kaihhnawih zuk leh hmuam laka fihlim duhte enkawlna’- Tobacco Cessation Clinic chu mi 395 in panin,Tobbacco Cessation Clinic pantute hi Mipa 142 Hmeichhia 253 an ni a, heng zingah mipa 29 leh Hmeichhia 37, an vaiin mi 66 te chuan vaihlo leh a kaihhnawih zuk leh hmuam an bansan tawh bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram