Sanitation Task Force meeting nei

Nimin khan Serchhip District Sanitation Task Force chu an chairman, District Bawrhsap, Dr. Lalzirmawia Chhangte hovin DC’s Conference Hall-ah an ṭhukhawm.

He ṭhutkhawmah hian vantlang bawlhhlawh paihna hmun ni lova bawlhhlawh paihte pawisa chawitir ṭhin chu Rs.100/- aṭangin Rs.200/-ah tihsân a ni. Nimin meeting-a an rel zingah hian bawlhhlawh paihna man chhungtin hnena Rs.20/- khawn ṭhin chu Rs.50/-a tihsan a ni a, khawpui fai zawk neih theih nan VC-ten a tam thei ang ber faina kawnga hnatlang koh nise an ti a, ui khuahkhirh chungchang pawh sawi niin, SVC-ten an veng chhunga ui vulh zawng zawngte an chhinchhiah bakah ui neitute pawhin VC-te hnenah an uite an register ang a, ui chu a kaih lovin khawlaia chhuah phal loh a ni ang a, ui kaih loh man chu a neituten Rs.500/- thleng an chawi thei dawn a ni