Kawng siamthat hna chawlhsan chungchangah Sub-Hqrs. YMA-in hma la

Serchhip town area chhunga kawngpui (NH-54) siamṭhat hna thawh mek chawlhsan a nih chung-changah Sub-Hqrs. YMA hruaituten hma an la.

NHIDCL hnuaia Serchhip town area huamchhung kawng (NH-54) chhe lai siamṭhat (Patch repairing) hna thawktu Mizoram Technocrats Company (P) Ltd. chuan an sum hmuhin hna thawh zui zelna a daih tawh loh thu sawiin, kawng repair hna kal mek leh an kawng tihkhuar sa pawh hnawh zui lova an chawlhsan thu an sawi a, he thu hriat a nih ve leh hian Sub-Hqrs.YMA OB-te chuan nimin zing khan Serchhip-a NHIDCL Office-ah Manager Nilesh chu an kâwm nghal a, Sub-Hqrs. YMA hruaitute chuan Serchhipin K|P General Conference leh International Paragliding Accuracy Championship a thlen dawn avanga kawng siamṭhat hna zawh thuai thuai a ṭul thu sawiin, additional sanction siam thuai a nih theih nana rang taka hma la turin an ngen a.

NHIDCL manager chuan YMA hruaitute ngenna chhangin kawng siam mek chu enfiah vat a, NHIDCL thuneitu sâng zawka sum sanction belh tura hmalak zui vat a tum thu a lo hrilh a ni.

Sub-Hqrs. YMA hruaitu-te chuan thuneitu sang zawkte pawhin kawng siamṭhat hna thawh zawh thuai a nih theihna tura hma an lak thuai a ṭulzia an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram