Miss Mizoram 2020-a Serchhip District aiawhtu tur thlah

MJA leh Zonet Cable TV-ten Miss Mizoram 2020-a Serchhip District aiawhtu tur Saizampuii chuan nimin khan intihsiaknaa tel turin Aizawl a pan ta.

Saizampuii thlahna hun hi nimin chawhma dar 11 khan Organising Chairman, H.Dolianbuaia, Project Director, DRDA hovin Serchhip Bazar tualah neih a ni a, he hunah hian Organising Working Chairman, C.Ramengmawia, MJA President chuan thusawiin, Miss Mizoram 2020 chu MJA leh Zonet buatsaih nimahse tunah chuan District hrang hrangten inelna atan an hmang tawh a, chuvangin kan district aiawhtu pawh mipuiten kan theihna zawn ṭheuh kan theih tawpa kan thlawp a ṭul dawn a ni a ti. He hunah hian Saizampuii thlahtu mi ṭhehnem tak an pungkhawm a, Vanlalchhunga, Lalro Digital neitu chuan a motor-in Aizawl thleng a thlah a, an la tur hi Serchhip Jt. VC Chairman, Lalhmangaiha’n a vai liam a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram