Lalduhoma’n hlâwkna duh vanga hna-in a tuar khawpa ṭha lova hnathawh a dem

Inrinni khan Serchhip ZPM Block |halai chuan intuaitharna ni pah fawmin, Rozamliana, Serchhip ZPM Block President huanah Block hruaitute nen meeting an nei a, he hun hi bialtu MLA Lalduhoma leh Tuirial Bialtu MLA Andrew H.Thangliana te’n an hmanpui a ni.

He hunah hian Bialtu MLA Lalduhoma chuan thu sawiin, a Bialin K|P General Conference an thlen tura pandal sakna chhehvela hmalakna ṭhenkhat hna thawh danah, mi ṭhenkhatin hlâwkna duh vanga hna-in a tuar khawpa ṭha lo leh rei rin ngam loh tura hna an thawk chu ṭha lo a tih thu leh a dem thu a sawi a, Serchhip khawtlang tana a thawhpui mi ṭhahnem-ngaite pawhin a lungawithlak loh an tih thu a sawi bawk.

A bial chhunga thleng, International Paragliding Accuracy Championship chung-changah Organising Committee hma lakna leh an inpeknate fakawm a tih thu sawiin, khaw-vel pum intihsiakna tluang leh ṭha taka an lo dawngsawng thei chu lawmawm tih thu a sawi a. Chutih laiin, state sawrkar lamin engkim buaipuia a kuta awm tura sawi siin, engmah tih awm lova Association lamin a buaipui leh vek si chu ṭha lo a tih thu leh kan sawrkar hrawn mek thil tih dan chu a dem thu a sawi a. He International Paragliding Accuracy Championship a glider-te ṭum hmun (landing zone) tur, mi leilet lo ram leina cheng nuai 32 pawh tun thlenga pek a la ni lo te chu mak a tih thu leh ṭha lo a tih thu a sawi bawk.

Tuirial A/C bialtu MLA Andrew H.Thangliana pawhin thu sawiin, Serchhip khaw chhunga MLA fund hmanga hnathawhte chu a ṭhain a chhuanawm hle a ni, a ti a, Serchhip ZPM Block ṭhalaite chu Frontal ṭha ber pawl an nih thu leh, an thawhhona leh inlungrualnate chu fakawm a tih thu a sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram