Mizoram sawrkar chuan Mizoram State Day chu ni 20 February, 2020 (Ningani) hian Mizoram chhunga District tinah programme hman turin a ruahman a, Serchhipah pawh hman a ni dawn a ni.
Sawrkar thuchhuak angin Mizoram State Day vawi 33-na pual hian Ningani zing dar 10:30-ah Serchhip DC Conference Hall-ah hun hman a ni dawn a, he hun hi C.Lalduhzuali, SDO (Sadar)-in a kaihruai ang a, Major Lalhmingmawii, Suptt., Old Age Home-in hunserh hmangin, Dr. Lalzirmawia Chhangte, IAS, District Bawrhsapin thu a sawi ang a, Samuel Zodinsanga, SDC-in lawmthu sawiin hun a khâr ang.
He programme hi Mizoram sawrkar chuan a ngai pawimawh em em a, chuvang chuan Serchhip a awm sawrkar hnathawk officer Group A, Group B leh Group B (non gazetted) chinte chu kal vek tura hriattir leh ngen an ni a, khawpui chhunga NGOs hrang hrang leh Village Council-te pawh sawm an ni.
Aizawl-ah chuan Governor leh Chief Minister hovin Vanapa Hall-ah chawhma dar 11-ah hman a ni dawn a, State Day programme-ah hian Mizoram Sawrkar hnuaia Gazetted Officer zawng zawng te chu tel vek tura tih an ni.