Dr. Lalzirmawia Chhangte, District Magistrate chuan kangmei a chhuah lohna turin mipuite zawm tur thupek a tichhuak a, thupekah chuan Serchhip District chhunga lo, huan, leipui hâl turte chuan March ni 15, 2020 aia tlai lovah hal vek tur a ni tih
District Magistrate-in thupek a tihchhuahah chuan ṭhal lai a nih avangin kangmei laka kan in leh lo, ramngaw leh nungchate kan him tlan nan khapna thupek chhuah chu thil ṭul tak a ni tih a tarlang a, Section 144 Cr. PC in thuneihna a pek hmangin thupek a chhuah tih tarlangin, a thupek chhuahah chuan mi tumahin mei lam ṭha tawk sial hmasa lo chuan lo/huan leh leipui an hâl tur a ni lo a ti a, mi tumahin mihring nunna leh bungrua/ro tana hlauhawm turin kangmei an tichhuak tur a ni lo tiin, mi tumahin eirawngbawlna leh ran chaw chhumna leh intihlum-na tana hman thuk meihawl, khawnvartui, gas, electrict thuk etc. kangmei duhawm lo tichhuak thei zawngin an chelek/hmang tur a ni lo a ti a, mi tumahin ramhnuaia an meichhem ti mit lovin an kalsan tur a ni lo tih a tarlang bawk.
Thupek hi thupek chhuah ni, ni 31.1.2020 aṭanga hman ṭan tur a nih thu leh sût leh a nih loh chuan thla 2 chhung a huam tur thute, thupek bawhchhiate chu Section 188 IPC angin hrem theih a ni tihte a tarlang bawk.