UEFA president Aleksander Ceferin chuan September thla thlenga coronavirus vanga inkhelh khuahkhirhna hmun a la awm zel a nih chuan Champions League leh Europa League chu tihtawp a ni mai thei tih a sawi.
Tun dinhmunah Champions League leh Europa League-te chu thuleh awm hma chuan chawlhsan rih a ni a, Ceferin chuan, September emaw, October-ah emaw pawh kan la inkhel theilo mai thei,” tiin a sawi a, tun season chu tihtawp a ni mai ang em? tih zawhna chu, “Thuneituten inkhelh min phalsak lo a nih chuan, kan inkhel thei lo chu a ni mai dawn a ni,” a ti bawk.
Ceferin chuan, thil thui tak an la sawi theih bik loh thu a sawi a, khawvel, a bikin Europe-a harsatna thlengin hma a sawn dan chu an nghah ve mek thu a sawi a, “A hmuna entu awm lova, TV aṭanga en theih tura inkhelh a la ṭha zawk,” tiin a sawi a, chu chu mipuite tana ṭha zawk a nih thu pawh a sawi bawk a ni.
Champions League, Europa League leh Women’s Champions League final-te chu May thlaa khelh tura ruahman a ni a, mahse tunah chuan heng final khelh hunte hi sawn hlat a ni tawh a ni.