Zothlifim Logo
Loading ...

Mizoram state pawna tangkhang mek zingah sawrkar ruahmanna zawm lem lova Mizorama haw tum te chu haw rih lo turin sawrkarin a hriattir a, hetihlai hian mahni thua rawn haw mi 150 chuang an awm tih a sawi.

Mizoram sawrkarin hmar chhak state-a tangkhangte Mizoram House DRC-te leh Group YMA hnena an chanchin hrilha inziak lûtte tana ruahmanna a siamah mi engemawzat rawn haw-in an district hawna tur ṭheuhah inkhunghranna hmun felfai takin ruahmanna siam a ni a. Hetiang ruahmanna siam a nih lai hian Mizoram House-a Deputy Resident Commissioner-te leh Group YMA-te hnena inhriattir lem lova mahni thu-a rawn tlan haw ve ta ringawt mi 150 chuang awmin, hei hian state sawrkar ruahmanna siamte a tiṭhuanawp nasa hle tih nimina sawrkar thuchhuah chuan a sawi a. Lo haw thleng tawhte bakah hian North East state-ah tangkhang an la awm tih hriat a ni a, tuna North East state-a la tangkhang mekte hi mahni duhthua tumah haw rih lo turin hriattir an ni a, mahni tangkhanna state-a Mizoram House-a Deputy Resident Commissioner-te emaw Group YMA President-te hnena lo inhriattir turin sawrkar chuan a hriattir a, Deputy Resident Commissioner leh Group YMA awm lohna state-ah chuan [email protected] Hming leh kum, Pa Hming, Mizoram Address, Tang-khanna state leh khaw hming, Tangkhan chhan, EPIC/Adhaar No., Mahni motor neih leh neih loh, Mahniin motor an ruahman theih leh theih loh leh biakpawh theihna phone number thehluh tur a ni.