District Magistrate-in thupek tichhuak

Covid-19 hri leng avanga Mizoram sawrkarin Inrinni-a Mizoram State chhunga inkaihhruaina tur thupek a chhuah bawhzuiin Serchhip District Magistrate Kumar Abhishek, IAS chuan Section 144 of CrPC 1973-in thuneiha a pek angin nimin khan thupek thar a tichhuak.

District Magistrate-in thupek a tihchhuahah chuan Serchhip town area chhungah zan dar 8:30 leh zing dar 4:30 inkarah pawn chhuah khap a nih thu leh, Serchhip Town Area chhunga dawr zawng zawng, damdawi dawr tiam lovin tlai dar 5:30 hmaa inkhar vek turin thupek a tichhuak a, he thupek hian Magistrate leh Police, Hospital & medical emergency, PHE, PWD, P&E leh Excise & Narcotics department-a thawk duty neite, media lama thawkte, VLTF on Covid-19 duty te leh District Magistrate-in a bika phalna a pekte a huam lo a ni.

He thupek hian January ni 11, 2021-a thupek a chhuah tawh chu a thlak (supercede) thu leh, thu leh awm hma chu thla 2 chhung a huam tur thu a tarlang bawk.

Leave a Reply

This site uses Akismet to reduce spam. Learn how your comment data is processed.