Covid-19 hripui leng vanga thla 10 chhung zet khar a nih hnuin Serchhip Boxing Hall, New Serchhip Venglaia mi chu Boxer a duh apiang tana Training theih turin hawn a ni leh dawn ta.
Hemi chungchang hi Inrinni tlai dar 3 khan Serchhip District Boxing Association (SEDBA) Executive Meeting, an Adviser Vanlalhluna In, Serchhip Venglaia neih chuan a rel a, Training duhte tana Boxing Hall hawnna hun hi vawiin tlai dar 3 hian Boxing Hall ah neiin LPS Pro-Fight a vawi 4 lai Light Heavyweight Champion lo ni tawh Abel Lalawmawia’n a hawng ang a, hemi hnu aṭang hi chuan zing leh tlaiah a duh apiang tan Boxing Hall hi hman theiha hawn a ni zui tawh ang.
Inrinni tlaia Serchhip District Boxing Association (SEDBA) Executive Meeting chuan Serchhipa Boxing Academy din a nih ngei theih nan hma-lak nise an ti a, hemi atan hian a ranglamin Sports Minister hmuh thuai nise an ti bawk.