Hnamdang sumdawngte khuahkhirhna dân paih tawh nei lêt turin hmalak a ni ang:LADC CEM

Lai Autonomous District Council-a Chief Executive Member, Manghmunga Chinzah chuan LADC-a a kaihhruai sawrkar chuan hnam dang sumdawngte khuahkhirhna dan paih tawh chu nei lêt tura hmalak a ni ang a ti.

MNF District Hqrs Lawngtlai Office, kumin atana hawnna neih ah he thu hi sawiin, LADC CEM chuan, Lairam leh hnam himna chu MNF Sawrkar chuan a duh ber a, Council zahawmna humhim a nihtheih nan hmalak a nih zel tur thu sawiin, ram danpui siamṭhat a nih ṭuma, hnam dang sumdawngte khuahkhirhna dan paih a ni chu a theih ang angin neih lêt a nih theih nan hmalak a nih tur thu leh Council mala hmalak ngawt chi a nih loh avangin huamzau zawkin hmalak tum a ni a ti

Manghmunga Chinzah chuan Council huamchhung a Village Council inthlanna State Election Commission kuta awm chu Council thuhnuaia a awm leh theih nan hmalak a nih tur thu a sawi a, Council thuneihna lak ṭhensakna a nih avangin neihlet ngei tum a nih thu a sawi bawk.