MNF party President, Chief Minister Zoramthanga chuan Lalduhoma a huat vanga MLA a nihna aṭanga bân ni anga sawi awm chu, huat vanga inbantir ngawt theih a ni lo a, dân a bawhchhiat avanga bân zawk a ni a ti.
AMC Election Ward XIV Campaign hawnna hun Inrinnia a hmanpuinaah MNF President chuan he thu hi a sawi a, Anti Defection Law chu Lalduhoma tela Parliament-a pass a ni a, amah a âwk hmasa ber thung a ti a, Zoramthanga chuan, Lalduhoma MLA aṭanga bantir a nih dawn hian Independent MLA a nih tumahin an hre tawh lo a, intihchhiat a ṭha love, tiin rei tak an en a ti a, a duh duhin a tal a, ZPM ber anga awmzuiin, ZPM President awm lai ngei pawhin ZPM office-ah mi thar a lawmlût a, a ni ta em em lova an nau MLA-te’n an hriat avangin hetiang hi an thleng ta niin a sawi.
AMC inthlan lo awm tur chungchang sawiin, Zoramthanga chuan, an chak ngei a ring a ti a, an candidate-te chu chhawrtlak an nih avangin vote tlak an nih thu a sawi bawk.