Nimin khan Serchhip DC Meeting Room-ah Kumar Abhishek, IAS, District Bawrhsap hovin Serchhip District chhunga Covid-19 hri danna pêk dan tur chung-chang ngaihtuaha meeting neih a ni.
Bawrhsap chuan kar kalta khan he hri danna pêk a nih dan tur enchhina Vaccination Dry Run neih a nih tawh thu a sawi a, Dr. Laldawngliana Sailo, CMO, Serchhip chuan inbuatsaihnate leh ruahmanna kalpui a nih dante sawiin, hri danna hi a hmasa berah chuan Health Workers, Frontline worker-te leh Police-te pêk an ni ang a, an ni dawtah hian natna benvawn neite leh kum 50 chin chung lamte pek an ni ang.
Hri danna pekna tur hmun hi ngaihtuah mek niin, Vaccine vawn ṭhatna tur te, a phurh chhuahna tur leh venhimna chungchangte pawh ngaih-tuah a nih thu a sawi a, hemi atan hian District-a thawktute chu theihtawpa inbuatsaih turin Bawrhsap chuan a ngên a, hri danna pêk thawh hnihna tur chungchang pawh thlirho nghal a ni bawk a ni.
He meeting-ah hian Lalmuansanga Ralte, Addl. DC bakah District Level Task Force on Covid-19 member-te an tel a ni.