Nimin Assembly Session neih chhunzawmah MNF member L.Thang-mawia zawhna chhangin Power & Electricity Minister R.Lalzirliana chuan Mizoram-ah Hydel Project siam zawh tawh 20 a awm tih house a hrilh.
R. Lalzirliana chuan Mizorama Hydel Project siam zawh tawhte chu Turial HEP (60 MW); Serlui ‘B’ SHP (12 MW); Kau Tlabung SHP (3 MW); Tuipanglui SHP (3 MW); Teirei SHP (3 MW); Tuipui MHP (500 kW); Khawiva MHP (1050 kW); Tuirivang MHP (300 kW); Serlui ‘A’ MHP (1000 kW); Maicham I SHP (2 MW); Maicham II SHP (3 MW); Lamsial MHP (500 kW); Tuila MHP (2×15) kW; Lau MHP (1×15); Tuisumpui MHP (3×150) kW; Tuidum MHP (1×15) kW; Laililui MHP (1×15) kW; Vawralui MHP (1×50) kW; Ramrilui MHP (2×150) leh Leiva MHP (1×50)-te an nih thu house a hrilh.
P&E Minister chuan project siam zawh tawh hman tlak tawh lo 8 a awm tih sawiin, chungte chu – Tuila MHP (2×15) kW; Lau MHP (1×15); Tuisumpui MHP (3×150) kW; Tuidum MHP (1×15) kW; Laililui MHP (1×15) kW; Vawralui MHP (1×50) kW; Ramrilui MHP (2×150) leh Leiva MHP (1×50) te an nih thu a sawi a. Hydel Project siam mek 5 a awm tih sawiin Tlawva SHP (5 MW); Kawl-bem SHP (4 MW); Tuiching Micro Hydel Project (100 kW) leh Tuiriza Micro Hydel Project (100 kW) anih thu house a hrilh.
R.Lalzirliana chuan Solar Power Plant siam zawh tawh pali a awm tih house hrilh bawkin chungte chu — Tlungvel 2.0 MWp, Zoram Energy Development Agency (ZEDA) hmalakna-a siam a ni a. Melriat Sub-Station (100 kwp), Power & Electricity department hmalakna a siam a ni bawk a, 100 kwp Sihhmui Sub-Station, Power & Electricity department hmalakna-a siam leh 100 kwp Khawiva Sub-Station, Power & Electricity department hmalak-na-a siam a nih thu a sawi.