India rama ei leh in siamchhuah leh zawrh lama thuneitu sang ber FSSAI hotu Chairperson Ms.Rita Teaotia, IAS (Rtd) leh Mr Arun Singhal, IAS, Chief Executive Officer-te chuan nimin khan Chief Minister Zoramthanga leh Health Minister Dr. R.Lalthang- liana-te an hmu.
Chief Minister chuan mipuiin ei tur thianghlim an neih a, hriselna atana thalo ei leh in, zuk leh hmuam do a ngaihpawimawh thu a sawi a. FSSAI nen inngheng hnai zawka an thawh dun a, state mipui hriselna atana an theihtawp an chhuah pawi-mawh a tih thu a sawi a. State chhunga ei tur tharchhuah leh siamchhuah bakah state pawn leh ram pawn atanga chawk luh te chu a him tawk em tih chik zawka enfiah a tul thu a sawi.
FSSAI hotute chuan Mizoram chhungah chak zawka hna an thawh theihna tura hmalak ngai te Chief Minister hnenah an thlen a. FSSAI chuan ei leh in thiang-hlim mai bakah ei tur dik, taksa hriselna mipuiin an ei theih a, natna hrang hrang laka him tlan theihna tura Eat Right India initiative an kalpui mek chungchang te an sawipui bawk.
FSSAI hotute hian Health Minister an kawmnaah hian Mizorama Food Safety tihhmasawnna tur kawng hrang hrang leh, Food Testing Laboratory changtlung zawk neih a nih theih dan tur kawngte an sawipui a ni.