Serchhip biala MLA by-election neih tur atana Nodal Officer-te thukhawm

Serchhip biala MLA by-election neih tur atana mawhphurhna pawimawh chelhtu Nodal Officer-te chu nimin khan District Election Officer leh District bawrhsap ni bawk Kumar Abhishek, IAS, hovin DC Meeting Hall-ah an ṭhukhawm a, inthlan inbuatsaihna kalpui tawh chin leh hmabak hrang hrangte an rel.

Kumar Abhishek chuan inthlanna felfai tak a awm theih nana mawhphurhna pawimawh ber ber chelhtu Nodal Officer-ten mahni hna ṭheuh hriatchian a pawimawh tih sawiin, taima taka inbuatsaih turin a chah a ni.

He hunah hian Nodal Officer tinten tun thlenga an mawhphurhna kawnga hma an lak tawh chinte an sawifiah a, chumi rual chuan an inbuatsaihna peng hrang hrang Model Code of Conduct kalpui dan te, Expenditure Monitoring chungchang te, Observer dawnsawn dan tur te, Helpline & Redressal chungchang te, Communication Plan leh Manpower Management te, Strong Room leh EVM Management te, Law & Order leh Security Matters te, Media Plan te leh thil dang pawimawh hrang hrangte sawiho zui a ni a, hma chhawp an neih hrang hrangte pawh sawi ho a ni bawk a, hmachhawp awmte hi bawhzui theih apiang bawhzui nghal zel turin ruahmanna an siam bawk.

By-election lo awm turah hian Kumar Abhishek, IAS, DEO & DC chu Returning Officer niin, Amol Srivastava, IAS, Thenzawl SDO (Civil) chu Asst. Returning Officer a ni.

Anni bakah hian mawhphurhna hrang bik nei turin Nodal Officer engemawzat ruat an ni a, chu’ngte chu – Malsawm-tluanga, MCS, PD, DRDA; Lalmuansanga Ralte, MCS, Addl. DC; Vanlalhma-chhuana, EO; C.Laltleipuii, MCS, SDO, Sadaar; PC Lalṭanpuia, MPS, Addl. SP; K.Saitluanga, MIS, DIPRO; H.Lalhruaitluanga, MCS, BDO, E. Lungdar; R.Lalmuankimi, Superintendent DC Office; Dr. Manesia Khaimeichho, MCS, SDC; F.Lalnisai, MCS, SDC leh Asheesh Kumar, DIO-te an ni a, nimin meeting-ah hian Nodal Officer atana ruatte an tel kim a ni.

Leave a Reply

This site uses Akismet to reduce spam. Learn how your comment data is processed.