Chamring khuaa Lei khi chat enfiah

Nimin khan Disaster Management & Rehabilitation Minister Lalchamliana hmalaknain niminpiah lama Chamring khuaa lei khi chat (crack) chu a hmuna enfiah leh zirchiang turin DM&R, Geology & Mining, PWD leh Information & Public Relations Department aiawhte an kal a, Senior Geologist P.Sanghnuna chuan lei khi chat lo thlen chhan hi Lung pial tlep bul ṭhut pheh vang a ni a ti a, tuna a khik chahna aṭanga chhaklam metre 40 vela hla-ah a chet tawhna hnuhma anga lang ruam a lo awm tawh tih a sawi bawk.

Lei khi kak awmdan hi tui zai milin right angle a ni a, a hnuai lampanga dawmtu pheh a nih takah chuan lei hi a tawlh thla ta a, lung mur hraw leh sin, tlak lung a awm bawk a, feet hnih bawr velah lei (soil) a awm bawk a ni. A kak zau lai ber hi feet 11-a zau a ni a, building sirah feet 6 velin a tawlh a ni. Lei che volume hi a tam avangin retaining wall siam aiin, a che chin lei hi paih fai a ṭhat zawk a rin thu a sawi bawk.

Lei khi (circular sling) hi metre 84 a ni a, a ram neitu hi Chamring khua Pu Zoramthanga a ni a, lei khi avanga In sak mek chhunga mi pahnih awmte chu zana riak lo tura hrilh an ni bawk a ni.