Nimin khan Deputy Chief Minister Tawnluia hovin PHE Department hotute chuan Video Conference kaltlangin tun hnaia tui harsatna chungchangah meeting an nei a, Meeting-ah hian district hrang hranga tui dinhmun leh harsatna an neih te ngaihthlak a ni bawk a ni.
Deputy Chief Minister chuan tun dinhmun dik tak report aṭangin hmalak dan tur ṭul duan a nih tur thu a sawi a, Tui kang avangin thing-tlang leh khawpuiah harsatna kan tawk mek a, sawrkara a mawhphurtu department hian theihtawp a chhuah chungin khuarelin khaw-kheng a rawn thlen takah chuan tui hna a lo tlêm tial tial a, then phei chu a kangchat a ni tih kan hria a, dinhmun khirh tak hi mipui te pawhin min hriatthiampui a, ngaih-tuahpui pawh kan ngai viau a ni, a ti a. Emergency Water Supply (EWS) pawh a ṭul anga bawhzui turin hmalak belh a ni ang tiin a sawi a ni.