Bialtu MLA-in mipui tui in tur chhawpsak

Hachhek bialtu MLA Lalrindika Ralte chuan Kawrthah khuain tui harsatna an tawh mek sutkian nan mipui tui in tur a chhawp chhuahsak.

Kawrthah khuaa tui sem hna hi niminpiah aṭang khan kalpui ṭan a ni a, ṭhal a nat avang leh an tui pump chian loh avangtein Khawtlang hruaitute chuan kum dang zawng aiin khawtlangin Tui an harsa zual hle tih an sawi a, Kawrthah tuilak hrim hrim pawh an kham khawp tawh lo, tih an sawi bawk. An harsatna tawh laia bialtu MLA in hma a lakpui chu lawmawm an tih thu sawiin, Hachhek bialtu Lalrindika Ralte chuan a bial chhunga tui harsatna laka mipuite chhawk zangkhai tura ruahmanna siam zel a tum thu a sawi.

Hachhek mai bakah tunlai hian Mizoram hmun tam takah tui harsatna chuan ziaawm lam a pan rih hlei thei lova. Hemi avang hian khaw tam takah hnathawk hman lova tui ngaihvena hun hmang an tam hle.