Hmunnuam khua nu pakhat saiin a chil hlum

Lawngtlai aṭanga chhim thlang lam 71 Kms.-a hlaa awm, Hmunnuam khuaa Evan. Vanropuia nupui Hniang Hniangi (29) chu saiin a chil hlum.

Thulakna tarlan danin, Ningani tlai khan Evan. Vanropuiate leh a nupui, Hniang Hniangi-te hi |ialthei luiah Chengkawl khawrh turin an kal a, lui kama zanriah an ei laiin, sai a rawn lang thut a, hetah hian Hniangtei hi a au tuar a, sai pawh hi a phu zawk niin an sawi a, hetihlai hian sai dang pawh an rawn thleng leh nghal a, hetah hian an nupaa an tlanchhia chu an tlanchhiatna lamah an inṭhen a, a hnuah an pa hian a nupui hi a zawng leh a, a hmuh zawh loh avangin an khuaah zualko-in a haw ta a, khawtlang mipuite chu Hniangtei zawng tur hian an kal a, amah zawngtute chuan a pasal nen zanriah an eina hmun an zuk thlen chuan Hniangtei ruang hi an a lo awm a, a ruang pawh sai hian a sawisa chhe hle niin sawi a ni.

Hniangtei hi nimin chawhnu dar 1 khan vui liam niin, a pasal leh fapa kum 9 mi a kalsan a ni.