Delhi NSUI-te thuchhuahah Mizoram NSUI rilru nâ

Mizoram NSUI chuan thuchhuah siamin, Assam Police-te’n Silai an hmehpuah hmasak avanga inkahna thleng chungchangah Delhi NSUI-ten thuchiang hreloa Media-ten ṭan lam neia thu an chhuahte ring a, Mizo mipuite diriam leh deusawh taka thuchhuah an nei chu Mizoram NSUI te rilru a na tak zet tih an sawi.

Mizoram NSUI chuan hemi chungchangah hian Mizoram NSUI President RB Lalmalsawma chuan Delhi NSUI President Neeraj Kundan chu Phone-a be nghalin an thuchhuah siama an lungawi loh thu leh Mizo mipuite thinlung an tihnat takzet thu leh thupha chawi tura a phut thu a hrilh nghal tih an sawi a, MPCC President Lal Thanhawla pawh be nghalin Central lama Congress hotute chetdanah NSUI Mizoram rilru a nat thu thlenin, Central hotute chuan kan Ram leh Hnam himna tichhe zawnga thu an rawn nei a, an rawnin rawlh dawn a nihchuan NSUI Mizoram chuan ban vek an huam thu a hrilh a ni.

Leave a Reply

This site uses Akismet to reduce spam. Learn how your comment data is processed.