@ India tana medal hlawh chhuak tura beisei berte zinga mi, badminton khelh thiam PV Sindhu chuan Hong Kong shuttler Ngyan Yi Cheung a hmachhawn a, group match vawi hnih a khelhnaah hian PV Sindhu chuan a hmaa ding chu 21-9, 21-16 in a hneh a, round of 16 a lut.
@ India hmeichhe hockey team te pawh an la che fuh ta chuang lo a, Pool A-ah an match thumna an khel a, an khelhpui hi champion lai Great Britain an ni a, India hi 1-4 in an tlawm a, an group-ah a mawng berah awmin, Ireland an hmachhawn leh ang.
@ Archery Women’s Individual-ah Deepika Kumari chuan nimin khan round of 64-ah Karma (Bhutan) hnehin, Round of 32-ah Jennifer Mucino-Fernandez (USA) chu 6-4 in a hneh zui leh a, round of 16 a lut.
@ Badminton Men’s Singles Group Play Stage – Group D-ah B Sai Praneeth chuan 14-21, 14-21 in Mark Caljouw (Netherlands) a hneh lo.
@ Boxing Women’s Middle (69-75kg) – Round of 16 ah Pooja Rani chuan Ichrak Chaib (Algeria) chu 5-0 a hnehin quarterfinal a lut a, kum 30-a upa, Pooja Rani hian a aia kum 20 zeta naupang lakah hian a chungnung hle a ni.
@ Archery Mens individual-ah Indian archer Pravin Jadhav chuan a match hmasa berah world number two Galsan Bazarzhapov chu a hnawtchhuak a, mahse second round-ah world champion Brady Ellison lakah a tlawm zui leh a ni.