Covid-19 hri leng avanga inkharkhip avangin internet hmanga pawi-khawihna zaa 60-in a pung tih Mizoram Police te chuan an sawi.
Hemi chungchanga an thuchhuaha an tarlan danin, Mizoramah internet kaltlanga pawikhawihna a hluar hle a, he hri lêng hian khawsak phung a tihdanglam dawrh avangin, mi tam takin an mamawh lâk khawmna’n leh inawmtleina’n social media hrang hrang an hmang nasa a, hei hian internet kaltlanga mi bum ching leh rawk chingte chetna tipung a ni.
Police-te tarlan danin, Cyber Crime PS, Aizawl ah kumin January – June chhungin internet kaltlanga pawikhawihna avangin FIR 163 a lut tawh a.Heihi nikum khaikhinin zaa 60 laiin a pung a, FIR thehluh zingah hian zaa 71 chu internet kal-tlanga sum leh paia inbumna kaihhnawih a ni, zaa 17 chu internet kaltlanga hmeichhiat mipatna hawi zawnga inbum-na leh thlemna a ni bawk, a bak zaa 12 chu mimal nihna inruksak, facebook kaltlanga hmeichhiat mipatna hman-puia insawm hnua intihmua-lpho tuma invauna leh copyright dan bawhchhiatna te a ni.
Mipuite chu he sualna pung zel lakah hian fimkhur zual turin an ngen tih sawiin, mimal thil pawimawh internet kaltlanga pe chhuak lo turin an ngen a ni.