Zothlifim Logo
Loading ...

Lok Sabha MP C.Lalrosanga chuan nimin khan Parliament Central Hall-ah Minister of State for External Affairs thar RK Ranjan Singh kawmin Myanmar aṭanga Mizorama raltlante ṭanpui chungchang a sawipui.

MP chuan Myanmar ramri hrula awmte Covid-19 laka invenna damdawi lam hmanruate leh a veite tana oxygen mamawh pek dan turte ngaihtuah turin minister chu a ngen a, Ranjan Singh chuan External Affairs Ministry kaltlanga tih theih ang angte tih a nih tur thu C.Lalrosanga chu a hrilh a, Mizorama Passport Seva Kendra tihphuisuina tur leh a ṭul chuan din belhna tur rawtnate thlen turin C.Lalrosanga chu a hrilh bawk a, Minister of State for Education ni bawk Ranjan Singh chuan zirna lam kaihhnawih ṭul ang ang a hnena thlen turin MP chu a sawm bawk a ni.