Test runpui neih dan tur ngaihtuah

Nimin khan sawrkar ruahmanna bawhzuiin Dr. ZR Thiamsanga MLA, Vice Chariman Health and Family Welfare Board leh Chairman, Covid 19 Medical Operational Team kaihhruai-nain Health Department hotute leh Covid 19 Medical Operational Team (MOT) ṭangkawpte chuan AMC huam chhungah Lockdown laia Test Runpui neih dan tur uluk takin an ngaihtuah.

Ruahmanna ang chuan vawiin aṭang hian Covid-19 Test Runpui chu veng hrang hrang – Chhinga veng, Armed veng South, Saron veng Chhim lam, Bethlehem Vengthlang, Electric Veng leh Tuirialah te neih tum a ni a. Inrinni kalta lam khan MOT leh Chief Medical Officer Aizawl West ṭangkawpte chuan Chanmari West ah Test Runpui hi hlawhtling takin an lo nei tawh bawk.

Test Runpui neih dan tur ngaihtuahnaah hian Health Department, mi pawimawh tak tak te an tel a, ruahman ang chuan hun reilote chhungin Aizawl khawpui chhung leh a chhehvel hri kai tamnaah Test Runpui hi neih zawh tum a ni.

Leave a Reply

This site uses Akismet to reduce spam. Learn how your comment data is processed.