Nimin khan RAT hmangin Serchhip Vengchung leh Tuikhuah Veng aṭangin Covid-19 hri kai pakhat ve ve hmuh belh an ni a, TrueNAT hmangin Vengchunga chhungkaw pakhat aṭangin hri kai 3 hmuh belh a ni bawk. Nimin vek khan Thenzawlah 2 leh Chhingchhipah 3 hmuh thar niin, niminpiah khan Thenzawlah hri kai pathum hmuh belh a ni bawk a, heti hian nimin thlenga Serchhip District-a hri kai hmuhchhuah tawh kan chhinchhiah dan chuan mi 979 an tling tawh a, nimin khan Covid-19 hri kai enkawlna Nursing School, Serchhip aṭangin mi 4 leh in lama inenkawl mi 3 chhuahtir leh an ni a, hengte nen hian hri kai enkawl dam tawh hi mi 882 an tling ta a, nimin khan District chhunga hri kai enkawlna hmun hrang hrangah enkawl lai 94 an awm mek a ni.
Loading ...