Nimin (10.9.2021) khan Dr. Lalrozama, IAS, DC Mamit, Khargeswar Pegu, Karimganj DC leh Rohan Kumar Jha, Hailakandi DC te’n Video Conferencing hmangin Mizoram leh Assam sawrkar State Level Meeting-in a phût angin District pathum DC-te chuan ramri avanga inhuatna paih bo a, boruak ṭha a awm zel theih nan leh dan hnuaiah remna leh muanna a awm theih nan te, District pathuma mipuite chu inmamawhtawn kan nih angin ralmuang taka inkalpawhna a awm theihna tur chungchang sawiho a ni.
Meeting-ah hian DC pathumte chuan ramri leh a chhehvelah harsatna a awm loh nan theihtawpchhuaha hmalak nise an ti a, ramri-a buaina a awm palh pawha a punlun zel loh nan tlang takin Information inhrilhhriattawn ṭhin nise tiin, State Border Issue chu District Level thuneitute rel fel theih a nih loh avangin tuna kan dinhmun chinah hian tumah intibuaitawn lova, inzahtawn tlang taka khawsaho turin meeting-ah hian rel a ni bawk.
Meeting-ah hian State Level Meeting-in thlatina Meeting awm tura a tih angin DC pathumte hian boruak ṭha a awm zel nan thlatin meeting ni bik leh hun bik siamin ruat fel nise, online platform hrang hrang hman ṭangkai nise tih a ni bawk.
Mamit DC hi Vineet Kumar, IPS, SP Mamit leh Paul Rokima, DIPRO Mamit-te’n an ṭawiawm a ni.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117