Zothlifim Logo
Loading ...

Tuirial bial bye election neih tura campaign MNF adviser Robert Romawia Royte chuan Skywalk leh Ropeway siamna tur sum a chingpen thu leh Lok Ayukta emaw CBI emaw chhuitir a ni tur thu a sawi.

Lungdaia thu a sawinaah, “Lungdai rama
Sakawrhmuituai Tlanga Skywalk project chu Chaltlang leh Durtlang inkara Ropeway siam turah hnathawh hmaa Rs
1,200 lakh chuang kum 2018 hma lama released tawh ni si, a taka sum hman mumal a awm loh avangin ministry-in sum a rawn release duh tawh lo.

Sakawrtuichhun Skywalk atan pawh Rs 245 lakh lai hnathawh hmuh tur awm mang si lovin kum 2018 hma lamah released a ni a, he project pahnihah hian contractor hi hna a thawh loh avangin a sum lak tawh kir turin vawi duailo deptt-in a hrilh tawh chungin Mizoram pawh a rawn zin duh tawh lo. Dan angin hma kan la zel a, cheng nuai sang chuang chingpen nia a lan avangin Lok Ayukta emaw CBI emaw kuta pek mai kan ngaihtuah mek ta a ni,” tiin a sawi.