Home » Chanchinthar » Khawpui fai inelna kal mekah mipuite thawhpuina leh ngenna tichhuak

Khawpui fai inelna kal mekah mipuite thawhpuina leh ngenna tichhuak

Serchhip District Urban Development Office chuan Mizoram khawpui fai inelna kal mekah Serchhip mipuite thawhpuina leh ngenna hetiang hian a tichhuak.

Hemi chungchanga ngenna an tihchhuahah chuan Mizoram khawpui fai intihsiakna 2021 (Mizoram Cleanliness Competition MCC21) UD&PA Deptt-in kum 2017 aṭanga a buatsaih ṭhin chu kuminah pawh kalpui mek a ni a, he intihsiakna hi Category pathumah ṭhenin, Serchhip pawh Category II, District headquarters zinga fai intihsiaknaah a tel a, kuminah hian kum danga la awm ngailo “Best Performing Village Council of 27 Urban Towns category” thar a awm belh bawk a, Serchhip khawpui chuan kum 2019-ah District headquarters fai ber lawmman a lo dawng tawh a, kuminah pawh faina lawmman a dawn leh ngei theih nan, VC leh mipui leh pawl hrang hrangte chu ṭhahnemngai taka thawhhona ṭha tak nena an ṭan hle a ngai a ni, an ti.

Faina endikna tur tehfung tlangpuite chu – Khawlai leh veng hmun lun lai fai, hnatlang neih tam dan te, Bazar leh vantlang inthiarna fai te, kan in leh a chhehvel leh vengchhung tuihawk luankawr fai te, Covid-19 lo hmachhawn dan te, bawlhhlawh thliarhran ṭhatte leh faina kawnga hmalakna hrang hrang te a ni.

He intihsiakna hi November, 2021 thla tawp leh December 2021 thla tir chhunga endik tura ruahman a ni a, Serchhipin khawpui fai ber leh village council hma la ṭha ber nihna a hauh theihna tura ṭan la turin mipuite an sawm a ni.

Leave a Reply

This site uses Akismet to reduce spam. Learn how your comment data is processed.