Zothlifim Logo
Loading ...

Home Minister Lalchamliana chuan Kolasib leh Mamit district bawrhsapte chu Assam ramri hnaiha hmasawnna hna kal lai chawlhtir chu chhunzawm leh turin a hrilh.

Lalchamliana sawi danin Ministry of Home Affairs-in tun thla ni 5-a lehkha a rawn thawnah, Assam lam hnaih ramri a hnathawhte chawlhsan a, a hmaa awmdan ngaia awm leh turin a rawn ti a ni a ti a. Hemi chungchangah hian Assam sawrkarin MHA duhdan zawm lova hna an la thawh chhunzawm reng tho avangin tun hnai khan Kolasib leh Mamit bawrhsapte chu hmasawnna hnathawh chhunzawm leh turin a hriattir niin a sawi a. Assam nena ramri buai leh ramria buaina chhuak ṭhin chu political level-a inbiakna hmanga chinfel chi nia a hriat thu a sawi bawk.

MHA-in tun hma dinhmun anga awmzui tura a rawn tih avang hian home department chuan November ni 8 khan Kolasib leh Mamit bawrhsapte chu ramri hrul a hnathawhte châwl turin a ngen a. Chumi bawhzui chuan bawrhsapte pawhin hnathawh mek chawl turin an hnuai amite an hrilh a, hemi chungchangah hian Home minister chuan engmah a hriat ve loh thu chanchinbumite a lo hrilh tawh a, lehkhate a hmuh ve hnu hian hnathawh chhunzawm turin bawrhsapte a hriattir leh niin a sawi a ni.