Serchhip leh a chheh-vela sawrkar hmalakna leh hmun pawimawh tlawha rawn kal, Mamit District MJA member-te chuan nimin khan Thenzawla hmun pawimawh hrang hrang an tlawh leh.
Nimina Thenzawl an tlawhnaah hian Mamit District MJA member-te chuan Zorin Bean chinna hmun leh AH&Vety Farm bakah, Environment, Forest & Climate Change Department enkawl Deer Park leh Vantawngkhawhthla-te an tlawh a, Mamit District MJA-te hi Agriculture Department aṭangin Lalrin-awma, ADAO leh Serchhip District MJA member ṭhenkhatten ṭawiawmin, an hmun tlawhahte hian thawk-tuten lo dawngsawngin an hriat duh leh zawhna an neihte an lo chhang a ni.
Nimin tlai khan Serchhip Press Club-ah Serchhip District MJA member-te nen inkawmho-na an nei a, Agriculture Department Complex-ah zanriah an kilho nghal a, tukin hian Mamit panin Serchhip an chhuahsan ang.